دوشی منی چمّاں جتگ مرچی گلیں دیدار بیت
گیمرتگیں زردءِ کشار سبزیت پدا گلزار بیت
زانتہ که روچی کیت چشیں منی میتگے دَمک و دَمَگ
مِسک ءُ زبادءُ وشبوهاں تهلیں دناں آتار بیت
مهرءِ زرءِ جهلانکیاں پٹ ات په وت مرواردیں
بلکی ای زردوں انسریت ماهیں گلیں زیبدار بیت
اِشک گنوک ای رهسرءِ چاراں چه پیمیں جاوڑاں
لهتۓ مریت گوں واهگاں لهتۓ دگه سنگ سار بیت
ننداں املءِ زاں په زاں بنداں علی گالاں وتی
شپ لُنجمین پُلّیت ءُ روت دانکه گلیں بامسار بیت
علی بخش دشتیاری
